ذكريات صباحية
يوم الجمعة مش زي اي يوم ثاني و خصوصاًًً اذا جربته في البلاد! بالعادة بتصحى ع صوت الحجة او صوت المنبه!
لكن نكهة يوم الجمعة غير! فالكل بحبك و بدي يصحيك
اول واحد ابو احمد بياع الغاز و سنفونيته الشهيرة!
و بعده بيجي بياع الخضرة ابوخليل و صوته الشجي لما يقول "بندورة بطاطا .......الخ"
و بعدها بيجي شخص اسمه بالعادة غير معروف و هو الي بشتري الخردة "جنك"
و اكيد بتتذكرووو جملته الشهيييييرة
"غسالات ثلاجات ..... للبييييييييييييع"
و بعدها بياع اللبن و الحليب و بالاغلب بكون جاي من المناطق القروية ، بس عنده شنينة أشي رائع!
هاد كله و لسة المنبه ما رن ، و الحجة ما صحتك تجيب خبز و لبن بطريقك و صحن حمص و فول و كمشةفلافل!
صباح مليئ بالحياة و التفاؤل صباح الخير للجميع.....
